राष्ट्रिय आर्थिक गणना, २०८२

नेपाल सरकार, राष्ट्रिय तथ्याङ्क कार्यालयले वि.सं. २०८२ वैशाख २ गतेदेखि असार ७ गतेसम्म देशभर 'राष्ट्रिय आर्थिक गणना २०८२' सञ्चालन गर्दैछ। यो गणना देशको आर्थिक संरचना बुझ्न, रोजगारीको अवस्था थाहा पाउन र भविष्यका आर्थिक योजनाहरू बनाउनका लागि गरिने एक वृहत् राष्ट्रिय कार्यक्रम हो।

यस गणनाले देशभरका सबै उद्योग, व्यापार, सेवा क्षेत्र र साना-ठूला व्यवसायहरूको विवरण सङ्कलन गर्नेछ। तपाईँले दिनुभएको तथ्याङ्कले नै देशको समृद्धिको बाटो तय गर्ने हुनाले, सही र पूर्ण विवरण उपलब्ध गराउनु सबै नागरिकको कर्तव्य हो।